2 rookie cops pinosasan ng mga kabaro sa target shooting

HINDI inakala ng dalawang bagitong pulis na ang ginawang target shooting ay magdudulot ng masamang pangitain sa kanilang buhay nang pagdadakmain at posasan ng mga kabaro sa Santor River, bayan ng Gabaldon, lalawigan ng Nueva Ecija, nitong Sabado, 17 Abril.

Kinilala ni PRO3 Director P/BGen. Valeriano de Leon ang mga rookie cop na sina P/Cpl. Lawrence Natividad, nakadestino sa Manila Police District (MPD) Moriones PCP, at Patrolman Rhipidim Orosco, miyembro ng National Capital Regional Office (NCRPO), na nakatakdang sampahan ng kasong administratibo at kriminal.

Batay sa ulat ni P/Col. Jaime Santos, provincial director ng Nueva Ecija PPO, inireport ang mga suspek ni Kapitan Isagani Sibayan ng Brgy. Calabasa sa headquarters ng Gabaldon Municipal Police Station, sanhi ng ginawang pagpaputok ng kanilang mga baril na walang matinong dahilan sa Santor River, na bahagi ng kinasasakupang lugar ng Kapitan.

Kasalukuyang nakapiit ang mga suspek sa custodial facility ng Gabaldon MPS matapos disarmahan para isailalim sa paraffin test sa Nueva Ecija Crime laboratory.

“We will not condone this misdemeanor and appropriate charges will be filed against them, both administrative and criminal, if warrants. Disciplining and dismissing erring police personnel shows efforts of the PNP in removing bad eggs in the police force in line of PNP’s internal cleansing program, and that the rule of law does not distinguish rank, position, or popularity whether victims or respondent in the PNP organization. This is a clear manifestation of our keen determination to remove misfits among the ranks of our organization,” pahayag ni P/BGen. De Leon.

(RAUL SUSCANO)