Richard Yap, nakaranas din ng bokya income

BOKYA sa income ang Kapuso actor na si Richard Yap nitong nakaraang taon. Walang trabaho sa showbiz at apektado ang negosyo dahil sa COVID-19.

“There was no work, business was so bad. So we want to make up for 2020 and do everything that we can in 2021,” pahayag ni Richard sa gmanetwork.com.

Payo ni Richard, huwag gumastos sa mga bagay na hindi kailangan sa buhay lalo na ang mga luxury item.

“There are things that we can do without. Stick much with the basics, stick to the good quality stuff maybe,” saad pa ng actor-businessman.

Ang mag-ipon ng pera ang isa rin sa payo niya para kapag nagkaroon muli ng delubyo gaya ng pandemic ay mayroong dudukutin ang bawat isa.

I-FLEX
ni Jun Nardo