PATAY ang tatlong senior citizens sa sunog na sumiklab sa Phase 1, Central Park, sa lungsod ng Davao, noong Lunes ng hapon, 4 Enero.
Kinilala ni Davao City Fire District Intelligence and Investigation Chief, SFO4 Ramil Gillado, ang mga biktimang sina Claudio Libre, 81 anyos; Gloria Aurora Libre, 79 anyos; at Angelo Ouqialda, 60 anyos.
Ayon kay Gillado, sumiklab ang sunog dakong 3:43 pm kamakalawa sa bahay na pag-aari ni Claudio Libre sa Cordillera St., sa nabanggit na lugar.
Ayon sa ulat ng Talomo Fire Station, nagmula ang apoy sa nag-short circuit na mini-van.
Tinupok din ng apoy ang dalawang iba pang estruktura at napinsala ang isang kalapit na establisimiyento.
Nagkakahalaga ng P400,000 ang unang taya ng mga arson investigator ng pinsala ng sunog at tatlong pamilya ang nawalan ng tirahan.
Tuluyang naapula ang sunog dakong 5:54 pm.
