Sunday , May 11 2025
Bulabugin ni Jerry Yap
Bulabugin ni Jerry Yap

Bakuna ng Intsik nakapuslit na sa PH market

HETO na naman ang ‘tono’ ng Department of Health na tila pagkahigpit-higpit sa kanilang patakaran na bawal daw ang bakuna kontra CoVid-19 na hindi dumaraan sa proseso.

Sinabi ito ni Secretary Francisco Duque III sa Kapihan sa Manila Bay forum kaugnay ng mga kumakalat na balitang nakapasok na sa Philippine market ang bakunang gawa sa China — nakapasok umano nang lihim o puslit.

Siyempre iisa ang ‘tono’ nina Food and Drug Administration (FDA) Director General Eric Domingo at Sec. Duque: “Bawal ‘yang bakuna na ‘yan kasi hindi sa dumaraan sa proseso.”

Ang tanong, bakit nga nakalusot sa merkado?!

Gaya ng Lianhua Qingwen (gamot kontra CoVid-19 mula sa China) na sinabi pa nilang delikado at ipina-raid pa ang mga ‘Chinese illegal hospitals’ saka kinompiska ang mga gamot.

Pero paglaon, pinayagan na rin ng DOH na gamitin ito ng local doctors sa kanilang mga pasyente.

Kaya nga ang tanong noon, saan napunta ang mga nakompiskang Lianhua Qingwen na kinompiska ng mga awtoridad?!

Na-recycle rin ba saka muling pinalarga sa merkado parang shabu?!

Parang nakikini-kinita natin na dahil napakakupad magdesisyon ng DOH at marami pa umanong pinagpipiliang bakuna pero kitang-kita naman na nakakiling sa iisang kompanya.

Mas malamang na nagkakapakyawan na ng vaccine mula sa mga Chinese suppliers, pero ang DOH ‘nganga’ pa rin.

Hindi kaya alam ng DOH na dahil sa kupad nilang magdesisyon, ang mga “can afford” ay sinunggaban na ang bakuna ng mga Chinese?

At baka isang umaga, magigising na lang tayo na panay na naman ang ‘raid’ kabi-kabila pero paglaon ay aaprobahan din ng DOH?!

E lumang tugtugin na nga.

Sana lang, tigilan na ni Duque at ng DOH ang estilo nilang bulok.

Tsk tsk tsk…

Hindi talaga natin maintindihan kung anong ‘birtud’ mayroon itong si Duque. Lutang na lutang na ang kapalpakan pero kompiyansang-kompiyansa pa rin si Pangulong Rodrigo Duterte.

Ang CoVid-19 ay pandemyang kinakaharap ng buong mundo.

Pero sa Filipinas, may pandemyang CoVid-19 na, mayroon pang pandemyang Duque. Talagang double whammy ang tumama sa mga Pinoy.

Kapag minamalas ka naman talaga!

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa JERRYAP888@YAHOO.COM. Para sa mga nakaraang isyu ng BULABUGIN please visit https://hatawtabloid.com

BULABUGIN
ni Jerry Yap

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Check Also

Aksyon Agad Almar Danguilan

Benhur Abalos: Lumalakas sa survey, may malinaw na plataporma

AKSYON AGADni Almar Danguilan SA PINAKAHULING Social Weather Stations survey, si dating Department of the …

Aksyon Agad Almar Danguilan

Mapayapa at maaayos na NLE25, puntirya ni QCPD OIC Col. Silvio

SA LUNES NA, Mayo 12, 2025, daragsa sa mga polling precinct amg milyon-milyong botante upang …

Aksyon Agad Almar Danguilan

Endoso ni VP Sara kina Imee at Camille, wa epek

AKSYON AGADni Almar Danguilan HINDI rin umepekto ang pag-endoso ni Vice President Sara Duterte kina …

Firing Line Robert Roque

Ano na ngayon ang tingin ng mga botante kay Pulong?

FIRING LINEni Robert B. Roque, Jr. SINABI ni Congressman Pulong Duterte na ipapa-“authenticate” niya sa …

Sipat Mat Vicencio

FPJ Panday Bayanihan Partylist para sa mapayapang halalan

SIPATni Mat Vicencio ILANG araw na lang at tuluyan nang magdedesisyon ang taongbayan kung sino …

Leave a Reply

Your email address will not be published. Required fields are marked *