Saturday , June 15 2024
arrest prison

Tatay kalaboso sa pagkamatay ng misis, 2 anak

NAHAHARAP sa tatlong kasong parricide ang 29-anyos ama matapos lumabas sa masusing imbestigasyon ng mga operatiba ng Taguig City Police na hindi suicide ang ikinamatay ng misis kundi pinatay.

Lumitaw sa resulta ng awtopsiya sa bangkay ng biktimang si Karina Siacunco, residente sa 20 Kamias St., Barangay North Signal, Taguig City, na sinakal muna ang biktima bago ibinigti para palabasin na nagpatiwakal.

Ayon kay Taguig City Police chief, P/Col. Celso Rodriguez , si Aiko Siancunco, dating call center agent, mister ni Karina, ang pangunahing suspek sa pagpaslang sa kanyang misis.

Ayon sa hepe ng Taguig Police, isasailalim ngayong araw sa inquest proceedings ang suspek na nakapiit na dahil sa pag-amin na siya ang pumatay sa mga anak na sina Kion, 1-taon gulang, at Akira, 3-anyos. noong mismong araw ng Pasko sa loob ng kanilang bahay.

Base sa rekord ng pulisya, si Karina ay nagbigti sa loob ng kanilang bahay dakong 3:00 pm nitong 24 Disyembre 2020.

Sa pahayag ni Alfredo Siacunco, biyenan ni Karina,  nakita niya na nakabitin ang manugang sa loob ng silid ng mag-asawa gamit ang lubid ng baby carrier na isinabit sa metal grills.

Agad niyang tinawag ang anak, na noon ay nasa banyo at nagpapaligo umano ng mga anak.

Agad umano nilang tinanggal ang pag­ka­kabigti at isinailalim pa umano sa first aid pero dahil umano sa pagpa-panic, natagal silang naupo dahil hindi malaman ang gagawin.

Tumagal pa ng ilang oras bago dinala sa Recuenco General Hospital si Karina na idineklarang dead on arrival dakong 6:11 pm.

Kinabukasan, kusang sumuko ang suspek sa Sub- Station 6 at inamin na pinatay niya ang dala­wang anak sa pamama­gitan ng pagbibigti.

Ikinuwento ng suspek na nagawa niya rin magbigti ngunit napigtas ang lubid kaya uminom na lang ng Zonrox bleach ngunit ‘di naman tinablan ng lason.

Ipinaskil ng kapatid ni Karina sa Facebook na hindi sila naniniwalang nagpakamatay ang bik­tima at ang suicide note na nakita sa bahay nito ay hindi umano nito sulat kamay. (JAJA GARCIA)

About Jaja Garcia

Check Also

DOST 1 opens ‘smart and sustainable’ workshop in Laoag City

DOST 1 opens ‘smart and sustainable’ workshop in Laoag City

THE Participatory Planning and Road Map Development Workshop towards a Smart and Sustainable City of Laoag kicked off …

Las Piñas LGU may bagong environmental at health vehicles

Las Piñas LGU may bagong environmental at health vehicles

PINABASBASAN ng pamahalaang lungsod ng Las Piñas ang nakuhang mga bagong sasakyang pangkalikasan at pangkalusugan …

10,000 trabaho handog ng pasay LGU sa Kalayaan Job Fair

10,000 trabaho handog ng pasay LGU sa Kalayaan Job Fair

ISANG mega job fair ang inihandog ng lokal na pamahalaan ng lungsod ng Pasay kahapon …

Chavit Singson

Chavit Singson mamimigay ng P7-M sa kanyang kaarawan

MAMAMAHAGI si dating governor Luis “Chavit” Singson ng saya at kabutihang-loob sa pagdiriwang ng kanyang kaarawan ngayong taon. …

Sam Verzosa Yul Servo

VM Yul at Rep Sam magsasalpukan sa pagka-Manila mayor 

I-FLEXni Jun Nardo NAGPAPARAMDAM na ang bofriend ni Rhian Ramos na si partylist representative Sam Versoza sa ilang barangay …

Leave a Reply

Your email address will not be published. Required fields are marked *