HATAW! D'yaryo ng Bayan hatawtabloid.com
ACTUALLY, matagal nang inaawitan si Nora Aunor ng kanyang mga tagahanga na maging active siya sa
social media. Hindi lang dahil ito ang uso kundi gusto ng fans na malaman ang lahat ng activities ni Ate Guy, kasama na ang pagbabalik-taping para sa teleserye sa GMA7 na Bilangin Ang Bituin sa Langit.
Finally ngayon ay pinakinggan at binigyang katuparan na ni Ate Guy ang request ng kanyang Noranians at yes magiging active na sa Facebook ang multi-awarded actress (local and international) at may sariling YouTube channel na rin — ang Nora Aunor Official.
Nang i-check namin ay mabilis ang pag-akyat ng bilang ng subscribers ni Ate Guy at ang daming likes, comments, at shares agad sa mga posted niyang photos and videos.
Ibig sabihin ay buhay na buhay pa rin ang fans ng nag-iisang superstar sa buong mundo. Aming vibes bago matapos ang taong ito ay makikipagsabayan rin si Ate Guy sa mga sikat na celebrity vloggers sa bansa. Yes sa rami ng kanyang fans ay hindi imposibleng mangyari ito.
Kagabi, November 1 ay inumpisahan na ng Kapuso
actress ang kanyang Facebook Live, kung saan dinagsa siya ng mensahe at tanong. Sa pagpasok sa digital world, isa sa umaalalay kay Ate Guy ang kaibigan niya sa hirap at ginhawa — ang singer-actor na si John Rendez — na active na active rin sa kanyang FB.
VONGGANG CHIKA!
ni Peter Ledesma
