HATAW! D'yaryo ng Bayan hatawtabloid.com
ARAW-ARAW nang napapanood sa Eat Bulaga sa kanyang segment na sumasayaw ang sikat na vlogger-dancer na si DJ Loonyo. At dahil pareho silang mahusay sumayaw ng Pambansang Bae na si Alden Richards ay may ilang netizens ang nagtatanong kung regular na ba sa Bulaga si Loonyo at pinalitan nga ba nito si Alden na ilang weeks nang hindi nasisilayan ng dabarkads at AlDub nation sa nasabing number one and longest running noontime variety show.
In fairness ang daming fans ni DJ Loonyo at lahat sila ay nakatutok ngayon sa idolo nila sa Bulaga. Pero siyempre solid pa rin ang fans ni Alden at ni Maine Mendoza kaya umaasa pa rin sila na isang araw ay bubulaga na lang sa show si Alden at sabay na makikisayaw sa original na loveteam na si Maine.
Pahiya pala ‘yung mga nagpakalat ng maling tsismis na magpapaalam na sa ere ang Eat Bulaga. Butata sila sa kanilang fake news dahil tulad nga ng ating naisulat existing hanggang ngayon ang kontrata ng Tape Incorporated (producer ng Eat Bulaga) sa GMA7. Tuloy-tuloy silang mapapanood kasama ng very popular nilang segments like Bawal Judgemental, Juan For All All For Juan Agad-Agad, Team Bahay Takbuhan sa TV, Pinoy Henyo Online, at ang nakaaaliw at good vibes ang hatid na Pamilya Nunal.
VONGGANG CHIKA!
ni Peter Ledesma
