HATAW! D'yaryo ng Bayan hatawtabloid.com
GRABE ang BL o Boy’s Love series na usong-uso ngayon dahil halos lahat ito ang laman sa social media tulad nitong 2gether The Series ng Thai actors na sina Bright Vachirawit at Win Metawin na napanood na sa iWant ng libre noong Linggo, Hunyo 29, 10:00 p.m..
Simula noong Pebrero, naging instant hit na ang romance-comedy series sa social media at umani ng maraming Pinoy fans sa buong mundo para sa tandem nina Bright and Win dahil sa malakas nilang chemistry.
Nakipag-collab ang ABS-CBN at Thai content company na GMMTV para mapanood ito sa iWant ng mga Pinoy gabi-gabi na ginawang Tagalized. Ang Thai series na ito ay tungkol sa makukulit na college chick boy na si Tine (Win) sa masugid na baklang manliligaw nito si Green (Korawit Boonsri).
Para matigil ang pag-aligid ni Green, napilitan si Tine kasama ang kanyang mga kaibigan na humingi ng tulong mula sa sikat at misteryosong gitarista na si Sarawat (Bright) at pipilitin itong magkunwari bilang kasintahan. Tatanggihan ni Sarawat ang mga unang alok ni Tine, ngunit bibigay din ito sa plano nang sumali si Tine sa kanyang music club.
Samantala, dahil sa lakas ng tandem nina Bright at Win, gusto nilang dumalaw sa Pilipinas para personal na mapasalamatan ang Pinoy fans na tumangkilik sa kanilang series kapag may go signal na sila bukod pa sa gusto rin nilang makarating ng Cebu at Boracay.
FACT SHEET
ni Reggee Bonoan
