Saturday , May 10 2025

Maayos na kalusugan ipanalangin kay Duterte — Lim

IMBES maghangad na may masamang mang­yari sa ating Presidente, mas makabubuting ipa­na­la­ngin natin ang pa­tuloy na pagiging maayos ng kanyang kalusugan at tagumpay ng kanyang pamumuno sa bansa.

Ito ang inihayag ni dating Manila Mayor Alfredo Lim sa isang pa­nayam sa ‘PDP Cares’ anniversary, na sinabi niya na malamang mas mabaon pa ang bansa sa mas malalang problema ng illegal drugs at iba pang krimen kung hindi si Presidente Rodrigo Du­terte ang may hawak ng pamumuno sa Filipinas.

Batay sa kung gaano na kagrabe ang mga uri ng krimen at kriminal sa buong mundo kasama na ang bansa, mahalaga umano ang pagkakaroon ng isang lider na matigas ang paninindigan, may kamay na bakal at tunay na determinadong walisin lahat ng uri ng krimen kahit ano ang mangyari, gaya ng Pangulo.

Ani Lim, base na rin sa kanyang karanasan, ang pakikipaglaban sa masasamang-loob, sa loob at labas ng gobyerno ay napakahirap gawin.

BUONG-BUO ang ngiti ni dating mayor Alfredo S. Lim sa pagpapahayag ng kanyang pasasalamat nang tumayo si Presidente Rodrigo Duterte upang makipagkamay sa kanya sa anibersaryo ng “PDP Cares,” ang humanitarian arm ng Partido. Nasa larawan din si dating Senate President Aquilino Pimentel, Jr., na nakitang kumakanta sa pagdiriwang. (JSY)

Si Lim ay dating na­muno sa National Bureau of Investigation (NBI), sa Interior and Local Govern­ment Department (DILG) at sa noon ay Western Police District (WPD) , bukod sa pagiging dating mayor at Senador.)

”As it is, we have a President who can ‘walk the talk’ and shows no mercy for criminals and yet, there are still some who persist in taking the wrong path. What more if our country’s leader is not as tough as President Duterte? Can you imagine?” ani Lim.)

Idinagdag niyang ang pahayag ni Duterte na iniisip niyang magbitiw ay hindi dapat bigyan ng literal na interpretasyon dahil maliwanag na ito ay pagpapahayag lamang ng sobrang pagkades­ma­ya at pagod sa kahahabol sa mga gumagawa ng ile­gal.

Sa dami ng mga naa­resto, nakasuhan at na­tim­bog sa patuloy na mata­pang na kampanya laban sa illegal drugs at sa dami rin ng govern­ment officials na nasibak dahil sa korupsiyon, dapat umanong mauna­waan ng mga Filipino ang mga ‘hugot’ ng Pangulo.

“Instead of engaging in fault-finding or wishing the President ill, we all should support his goals toward a drug-free and corruption-free country and contribute to the government efforts to­ward this direction  in whatever way we can,” ani Lim.

Binigyang-diin ni Lim na iisa lamang ang ating bansa at Pangulo at ang magiging tagumpay nito sa pamumuno ay buong bansa at sambayanan ang nakatakdang makina­bang. (JSY)

About JSY

Check Also

Anti Kid Peña

Paulit-ulit na Paglabag  
Campaign posters ni Kid Peña, natagpuan sa loob ng Makati barangay hall

MATAPOS mahuling may campaign materials din ang running mate na si si Luis Campos sa …

Benhur Abalos

Abalos, gustong palawakin gamit ng Special Education Fund ll

HINIMOK ni dating Interior and Local Government Secretary at senatorial candidate Benhur Abalos ang pamahalaan …

Benhur Abalos

Boots Anson-Rodrigo, film executives inendoso si Benhur Abalos sa Senado

ni ROMMEL GONZALES SA unang pagkakataon ay nag-endoso ng isang political aspirant ang respetadong aktres …

Sam SV Verzosa 2

Tunay na pagbabago sa Maynila sigaw ni SV: Nagpasalamat kina Isko at Honey

MARICRIS VALDEZ “MAYNILA handa na sa tunay na pagbabago Ipapanalo ko kayo! Ito ang mga salitang …

Sharon Cuneta Kiko Pangilinan Kakie Pangilinan

Anak ni Sharon na si Kakie idinaan sa sulat kamay na liham paghingi ng suporta sa amang tumatakbong senador

ni MARICRIS VALDEZ IBINIDA ni Sharon Cuneta ang makabagbag-damdaming liham ng kanilang anak ni senatorial candidate Francis “Kiko” …

Leave a Reply

Your email address will not be published. Required fields are marked *