Heart, naka-groupie ang Asian Fashion IT girls

SA mga nakakakilala kay Kris Aquino, hindi nila ito masisisi kung naging scene stealer  ito sa presscon ng I love You Hater ng Star Cinema.

Ang tsika, bumabawi  ito sa trailer ng Crazy Rich Asians na napapanood ngayon sa mga sinehan.

Tama lang na umagaw ng eksena si Krizzy dahil nang napanood namin ang trailer mula sa simula hanggang natapos ay hindi namin siya nasilayan. Gayunman, umasa pa rin kami habang pinapanood ang trailer na makikita siya sa isang party scene o kahit walk-on part man lang pero wala talaga o baka, ‘di lang namin napansin.

Sa pagiging scene stealer ng aktres, umalma ang JoshLia dahil naagawan ang dalawang bidang bagets dahil ginawang parang ‘auction’ event ni Krizzy ang presscon. Paano naman lahat ng nakadikit sa katawan ng aktres sa araw na ‘yun ay may ‘price tag’. Sa alahas na suot nito ay kasing halaga iyon ng isang condo unit sa Rockwell.  To sum it all, nagmukhang siya ang pinakabida ng movie at support lang ang JoshLia.

Sa huling balita, inaabangan ngayon ang reaksiyon ni Kris sa tsikang natalbugan daw siya ni Heart Evanglista dahil sa unang trip ng huli sa Paris pagkatapos ng depression sa pagkawala ng kanyang kambal ay real crazy rich Asians ang ka-rubbing elbow nito. Base ito sa pix sa kanyang IG account, na ka-groupie ang Asian Fashion IT girls twins na sina Rachel and Michelle Yeoh and Felping Chang.   

STARNEWS UPLOAD
ni Alex Datu