Wish na NY vacation ng JoshLia, ibibigay ni Kris

MATAGAL nang pangarap nina Julia Barretto at Joshua Garcia na makapagbakasyon sa New York. At ibibigay ito ni Kris Aquino sa kanilang dalawa kapag naging blockbuster ang pelikula nilang I Love You Hater.

Nalaman kasi ni Kris habang may photo shoot sila  para sa kanilang pelikula na handog ng Star Cinema na gustong magbakasyon ng JoshLia sa New York na magkasama kaya naman ipinangako niyang matutupad iyon kapag nag-hit ang I Love You Hater.

Ani Kris sa interbyu sa kanya ng ABS-CBN,”Kasi kahapon mayroon kaming shinoot ni Joshua na endorsement niya. They told me na they have a bucket list together. Sinabi nila na kapag nagkaroon na ng three endorsements na silang dalawa as a tandem, they have two currently, on the third daw, pupunta sila ng New York.

“Dream daw nilang dalawa ‘yun. So sinabi ko, ‘Iyang New York na iyan, basta mag-hit tayo, sagot ko na ‘yung tickets sa New York. Pero ‘yung hotel, tour and pagkain, mag-ipon na kayo for that.’”

Tuwang-tuwa naman si Joshua nang marinig ang pangakong iyon ni Kris.

Anang batang actor, “Na-surprise talaga ako. Nabuhayan talaga ako.”

“I’m very excited. Josh told me about that after their shoot. ‘Yun ang unang-una niyang sinabi sa akin. Of course I got excited. It’s so nice to be able to work with people who genuinely care about your dreams and your well-being. It’s an honor to be able to work with tita Kris,” tugon naman ni Julia.

Ang I love You Hater ay mapapanood na sa June 13 at idinirehe ni Giselle Andres.

SHOWBIZ KONEK
ni Maricris Valdez Nicasio