Solenn, handa nang maging mommy (pero hindi pa ngayon)

ALIW si Solenn Heussaff sa karakter niya bilang ina ni Marcus Cabais sa pelikulang My 2 Mommies kasama si Paolo Ballesteros at si Joem Bascon na produced ng Regal Films na idinirehe ni Erik Aquizon.

Wala pa kasing anak si Solenn at asawang si Nico Bolzico kaya more or less ay training ground na rin ng aktres ang pagiging ina sa makulit na si Marcus.

Ay grabe Ateng Maricris, nakatutuwa ang batuhan nina Solenn, Marcus, at Paolo sa Q and A ng My 2 Mommies dahil natanong sila kung handa na siyang maging ina.

“Nag-aaral akong mag-alaga ng pusa ko, may aso rin ako, then dito sa movie, si Marcus. In terms sa finances, dahil lagi naman akong may work, nakaipon na ako, I think ready na akong maging mommy. But hindi pa ngayon, we will get there, but not this year. Pero kung biglang dumating, ready na ako.”

Dagdag pa, “Anyone can carry a child, but iba ang connection ninyo kung ikaw talaga ang mommy ng bata.”

Samantala natanong kung halimbawang nalaman ni Solenn na may anak na pala si Nico.

”Okey naman sa akin, for example kung one year pa lang ay lumabas nang may anak siya, no question sa akin iyon. Pero kung for example seven years na bago niya inilabas na may anak siya, teka muna, bakit hindi mo ipinaalam sa akin. But I will support him, anak niya iyon, kahit ano pa ang reasons niya. Hindi mo pwedeng pabayaan ang isang bata, lalo pa kung anak mo naman talaga.”

Anong klaseng ina kung sakali si Solenn.

“I will be a strict mom, like my mom. Siya ang critic ko, lalo na kung may ginawa ako na hindi niya gusto. But my dad, ang bait niya, lagi niya akong pinupuri, parang wala akong ginagawang mali. But I will be a guide to my children.”

Ang My 2 Mommies ay Mother’s Day presentation ng Regal Films at mapapanood na nationwide simula sa May 9,  at with special participation of Ms Maricel Soriano.

FACT SHEET
ni Reggee Bonoan