Paa ng barker putol sa pulley ng SM sa Iloilo

ILOILO CITY – Naputulan ng paa ang isang barker nang mabagsakan ng nahulog na pulley mula sa tower crane sa ginagawang mall sa lungsod na ito, nitong Sabado.

Dahil sa malakas na impact nang pagbagsak ng pulley, agad naputol ang paa ni alyas Sam, 17-anyos barker.

Agad siyang isinugod sa Iloilo Doctors Hospital.

Ayon sa ama ng biktima, hindi siya makapaniwala sa nangyari sa anak na pumalit lamang sa kaniyang kapatid sa pagtulong sa mga motorista sa parking area.

Nabagsakan din ng iba’t ibang bagay ang ilang kalapit na bahay sa ginagawang mall.

Bumagsak ang isang bakal sa kuwarto ng bahay ni Roger Raymundo. Walang natutulog sa kuwarto nang mangyari ang insidente.

Tumanggi munang magbigay ng pahayag ang SM dahil sa isinasagawang imbestigasyon sa insidente.

Habang humingi ng pinansiyal na tulong ang pamilya ng biktima.