HATAW! D'yaryo ng Bayan hatawtabloid.com
NAPAKA in-demand ni Erich Gonzales ngayong 2018 at biggest break para sa magandang actress ang “The Blood Sisters,” na magsisimula ng umere ngayong araw sa ABS-CBN2 kapalit ng timeslot ng Wildflower ni Maja Salvador na nag-end na last Friday.
Para kay Erich, malaking karangalan at challenge na ipinagkatiwala sa kanya ng Dreamscape ang soap na tatlong karakter ang gagampanan o bibigyang kulay niya. Sina Agatha, Erika at Dr. Carrie Ann Bermudez-Almeda at ito rin ang pinakamahirap niyang ginawang serye. “No’ng inipresent nila sa akin ang kuwento siyempre inila-tag nila talaga na, “Okey Erich sobrang trabaho talaga ito. Kailangan ‘yung focus mo kasi you are playing three characters. And for me, assignment ko, ginawa ko, pinag-aralan ko ‘yung script and my notes ‘yan para ma-differentiate ‘yung tatlong characters, ‘yung mannerisms, ‘yung nuances,” sey pa ng aktres na blooming ang ganda ngayon. At dito sa Blood Sisters, ay magpapa-seksi ang dalagang cebuana bilang isang club dancer at talagang pinaghandaan daw niya ito. “Erika, she’s a dancer sa club, kinailangan ni-yang gawin ‘yon para sa anak niya. Nag-hire sila ng dancer para turuan tayo ng ilang steps kung paano talaga ‘yung ginagawa doon ang then inaral po natin ‘yon. It’s important that you trust the people around you and with direk Jojo (Saguin), sobrang the best,” kuwento ni Erich.
Abangan sa tatlong gagampanan ng actress kung sino sa kanila ang bad, bold and beautiful. Gumamit si Erich ng sarili niyang dialect na bisaya sa “The Blood Sisters” at siguradong mamahalin siya ng kanyang kapwa Cebuano.
VONGGANG CHIKA!
ni Peter Ledesma
