HATAW! D'yaryo ng Bayan hatawtabloid.com
NAPAKA-BONGGACIOUS ang press presentation ng 26 official candidates ng “Miss Caloocan 2018” na ginawa sa Bulwagang Katipunan sa bagong gusali ng city hall ng Caloocan na ang incumbent mayor ay si Mayor Oca Malapitan — na laging on the go sa kapakanan ng kanyang constituents.
Ang DZMM showbiz anchor-entertainment columnist ang host ng event na dinaluhan ng ilang opisyal sa pangunguna ng daughter ni Mayor Oca na si Miss Kath Malapitan na naging magiliw sa pagsagot ng tanong sa invited entertainment media.
Natutuwa si Ms. Kath sa ilang papuring ibinigay ng press sa progreso ng kanilang lungsod tulad ng maayos na basura at maliwanag ang mga kalye sa dami ng ilaw. Hindi na rin daw takot ang mga taxi driver na maghatid ng mga pasahero sa lungsod dahil hindi na magulo sa kanila.
Nang mapag-usapan ang taunang local beauty pageant ng lungsod, inihayag ni Ms. Kath na buong-buo ang suporta ng alkaldeng ama sa beauty pageant dahil ang Miss Caloocan ang nagbibigay ng magandang mukha sa lungsod ng Caloocan.
May cash prizes na matatanggap ang mga mananalo rito at ang tatanghaling Miss Caloocan ay tatanggap ng P100,000. Makakapag-uuwi naman ng P50k ang first runner-up, 2nd runner-up (P40k), 3rd runner-up (P30k) at 4th runner-up ay P20k.
At balita ni Ms. Kath, sa kauna-unahang pagkakataon ay ngayon lang mangyayari na magkaroon ng live telecast ang Grand Coronation Night ng Miss Caloocan na tinawag nilang beauty and brains competition na mapapanood sa TV 5 ngayong February 24 ng gabi na gagawin sa Caloocan City Sports Complex at surprise pa kung sino ang magiging host ng nasabing pa-geant.
Narito ang kompletong listahan na kabilang sa 26 kandidata ngayong taon: Zoraya V. Polon, Nicole Ann Maliglig, Venus Balito, Daniela Cayanan, Julia Mae Mendoza, Jhustyn Chloe Castro, Patricia Agapito, Hyacit Zoleta, Camille Joy Dequina, Ylla Mae Sto. Tomas, Pamela Bianca Villacorte, Andrea Abcede, Jeanne Antonio, Jane Nicole Minano, Khryss Tricy, Rizza del Prado, Mae Kimberly de Luna, Patricia Maala, Carrie Mikaela Serrano, Stephanie Monce, Camille Bernadette Roa, Julia Torres, Chrystel Shane Lubrico, Khate Anne Buscaino, Erica Jane Medina, Mary Jane Toribo, at Maria Veronica Peregrino.
Sa angking ganda, talino at talent, majority ng candidates ay puwede sa Binibining Pilipinas o kaya sa Miss World Philippines.
VONGGANG CHIKA!
ni Peter Ledesma
