HATAW! D'yaryo ng Bayan hatawtabloid.com
HAPPY ang Kapamilya actor at member ng Hashtags na si Jon Lucas dahil napabilang sa Metro Manila Film Festival ang kanilang pelikulang Haunted Forest, mula sa Regal Entertainment Inc. na idinirehe ni Ian Lorenos.
Ayon kay Jon, walang pressure sa kanya kahit na malalaking artista ang kapanabayan ng kanilang pelikula na ipalalabas sa Dec. 25.
“Hindi naman po ako napi-pressure kahit na malalaking artista, nandyan si Coco (Martin), Vice (Ganda), Vic (Sotto), ‘yung makakasabay ng movie namin.
“‘Yung mapasama nga lang sa Metro Manila Film Festival ‘yung movie namin panalo na kami.
“Ang maganda lang siguro, ‘yung movie lang namin ‘yung horror, kaya ‘yung mga mahihilig sa horror ‘yung movie namin ang unang panonoorin.
“At saka, kilala naman ang Regal sa paggawa ng horror films tuwing Araw ng Kapaskuhan at lahat ‘yun kumikita. Kaya alam ko na katulad ng mga naunang horrot filmd ng Regal na nakasama sa Metro Manila Film Festival ay tatangkilikin din ng mga manonood ang ‘Haunted Forest’.
Makakasama ni Jon sa Haunted Forest sina James Blake, Maris Racal, Jon Lucas, Beverly Salviejo, Joey Marquez, Raymart Santiago, Fiona Yang, Kelvin Miranda, Jerald Napoles, Betong Sumaya, Myrttle Sarrosa, at Miho Nishida.
Ito ay Rated PG.
MATABIL
ni John Fontanilla
