Ria atayde, ratsada sa Wansapanataym at MMK

ANG suwerte ng anak ni Sylvia Sanchez na si Ria Atayde dahil bukod sa kasama siya sa Wansapanataym Presents: Amazing Ving ni Awra Briguela ay kakatatapos lang umere ang Maalaala Mo Kaya episode niya noong Sabado na ginampanan niya ang karakter na Hershey Hilado, kilalang Pinay na nakatira sa Australia at isang businesswoman.

Ikalawang MMK na ni Ria at ikalawang Wansapanataym na rin niya ang Amazing Ving dahil nauna na niyang nakasama sina Elmo Magalona at Janella Salvadornoong Disyembre 2016 na may titulong Holly and Mau.

Kung hindi kami nagkakamali ay ngayong araw naman ang dating ni Ria galing ng Singapore dahil nag-taping sila ni Marvin Agustin ng Ipaglaban Mo para sa 3rd anniversary na ipalalabas ngayong buwan.

Ang karakter na gagampanan ni Ria ay, ”ako po si Lexi, ex-girlfriend ni Jess portrayed by Marvin Agustin. Tumulong ako kay Marin na magsampa ng kaso laban sa cruise ship company na sumisante sa kanya.”

As of now ay wala pang regular teleserye si Ria kaya panay guestings muna siya bagay na ipinagpapasalamat niya nang husto dahil hindi siya nawawalan ng work.

FACT SHEET – Reggee Bonoan