Claudine, lumalaki na naman kaya madalang ang dating ng trabaho

ANG pagtaba ng mahusay na aktres na si Claudine Barretto ang dahilan ng madalang na dating ng trabaho na ang huling napanood sa kanya ay nang mag-guest sa Kapamilya Network.

Marami tuloy ang nanghihinayang kay Claudine dahil isa ito sa maituturing na mahusay na aktres sa kanyang henerasyon at maging hanggang ngayon ay lutang na lutang pa rin ang husay sa mga proyektong ginagawa.

Isa sa rason ng paglobo nito ay ang mga problema at kontrobersiyang kinasangkutan lalo na sa kanyang buhay may asawa at pamilya.

Marami ang nagsasabi na kung nagawa ngang magpapayat ng kasabayan niyang si Judy Ann Santos na seksing-seksi na ngayon, kaya rin ito ni Claudine.

MATABIL – John Fontanilla