HATAW! D'yaryo ng Bayan hatawtabloid.com
PATAY ang isang 28-anyos lalaking hinihinalang drug pusher habang arestado ang kanyang nakatatandang kapatid sa buy-bust operation ng mga tauhan ng Maynila Police District (MPD) sa Tondo, Maynila kamakalawa
Agad binawian ng buhay ang suspek na si Noel Navarro, alyas Rigor, walang hanapbuhay, residente ng 2015 Almeda Street, Brgy. 226, Zone 21, Tondo.
Habang naaresto ang kanyang kapatid na si Delfin Navarro, 34, tricycle driver, residente rin ng naturang lugar.
Ayon sa imbestigasyon ni PO3 Ryan Jay Balagtas ng Manila Police District Homicide Section, nagkasa ng buy-bust operation ang pulisya laban sa magkapatid sa kanilang bahay dakong 10:15 pm.
Ngunit nagputok si Noel kaya gumanti ng putok ang mga pulis na kanyang ikinamatay habang naaresto ang kanyang kapatid na si Delfin.
( LEONARD BASILIO )
