Kate, malaki ang pasalamat sa TAPE

MASAYA si Kate Lapuz dahil kasama siya sa millennial cast ng Trops na napapanood bago mag- Eat Bulaga ng GMA 7. Kasama  niya ang  That’s My Bae, si Taki Saito,Toni Aquino, Benjie Paras, Ina Raymundo, at Irma Adlawan.

Malaki ang pasasalamat ni Kate sa TAPE Productions dahil isinama siya sa bagong youth-oriented show bilang si Pia. Makikigulo siya sa tandem nina Taki at Kenneth Medrano. Bukod kay Kenneth ay mali-link din siya kay Miggy Tolentinona angat  sa That’s My Bae pagdating sa acting. Napanood kasi namin ito noong Tuesday at may ibubuga siya sa pag-arte. May future si Miggy sa aktingan at mahal siya ng kamera dahil guwapo at astig ang dating, huh!

Anyway, tungkol pa rin kay Kate, produkto siya ng Walang Tulugan. Endorser ng Hea Watch Unisilver at dumaan sa workshop kay Ogie Diaz.

Makakasama siya tuwing umaga sa Trops na tumatalakay sa  millennial generation, ang  pakikipagrelasyon ng mga bagets ngayon at pagkahilig nila sa social media, gadgets atbp.

Talbog!

TALBOG – Roldan Castro