Derek, bumalik ang excitement sa paggawa ng movie dahil kay Lovi

PURING-PURI ni Derek Ramsay ang kaseksihan ni Lovi Poe. Kaya naman aminado itong noon pa niya gustong makatrabaho ang aktres.

Ani Derek, bumalik ang excitement niya sa paggawa ng pelikula dahil kay Lovi. ”Because I love the way she looks, I love ‘yung kulay ng skin niya. Yes, I’m going to have a leading lady na kakulay ko ng kaunti,” anang actor.

Sambit pa ni Derek, walang ka-effort-effort si Lovi na maging sexy.

Dahil sa mga sinabing ito ni Derek, hindi kataka-taka na talagang naglalagablab sa init ang bawat pagniniig nila ni Lovi sa pelikulang The Escort mula sa Regal Entertainment Inc., na idinirehe ni Enzo Williamsat mapapanood na sa Nobyembre 2.

Unang pagsasama nina Derek at Lovi ang The Escort na ayon kay Mother Lily Monteverde, posibleng masundan pa.

Wala raw pakialam sina Derek at Lovi na nagromansahan sa kama, swimming pool, at iba’t ibang lugar para mairaos ang pagnanasa sa isa’t isa. Kaya naman hindi kataka-taka na bumigay ang dalawa.

Sa trailer pa nga lang ng pelikula, maiinit na love scenes and kissing scenes na ang makikita eh what more pa sa pelikula.

Kaya watch na kayo ng The Escort sa Nov. 2 para makita ninyo kung ano ang tinutukoy namin.

Kasama rin sa The Escort si Christopher de Leon gayundin sina Jean Garcia, Rommel Padilla, Jackie Lou Blanco, Dimples Romana, at Albie Casino.

SHOWBIZ KONEK – Maricris Valdez Nicasio