HATAW! D'yaryo ng Bayan hatawtabloid.com
MAY nagtanong sa amin kung shelved na ang movie project nina Dingdong Dantes at Angelica Panganiban na Unmarried Wife mula sa Star Cinema na ididirehe ni Maryo J. delos Reyes dahil hanggang ngayon ay walang balita.
Kung hindi pa namin sinilip ang online website ng Star Cinema ay hindi namin malalaman na may pelikula nga sina Dong at Angelica at makakasama sina Paulo Avelino, Dimples Romana, Marina Benipayo, at Irma Adlawan na idinagdag sa cast.
Kuwento naman sa amin ng taga-ABS-CBN, kasalukuyang nagso-shooting ng ibang eksena na hindi kasama si Dingdong dahil kasalukuyang nasa ibang bansa ang actor kasama ang mag-ina niyang sina Marian Rivera at Baby Zia.
“Inuuna na lang muna ‘yung scenes na wala si Dong kasi sinabi naman niya na may prior commitment siya abroad noong nag-meeting sila ng Star Cinema,” sabi sa amin.
Pero si Angelica ay waiting lang naman daw sa availability ng aktor dahil as of now ay ang Banana Sundae lang ang pinagkaka-abalahan ng aktres.
Ikalawang movie project na nina Dingdong at Angelica ang Unmarried Wife at this time, sa aktres naka-focus ang title kompara noong kasama nila si Angel Locsin na may titulong One More Try (2012) kasama rin si Zanjoe Marudo na idinirehe naman ni Ruel S. Bayani.
At si Paulo marahil ang ka-love triangle rito nina Dingdong at Angelica? Bagay ba sina Pau at Angel?
FACT SHEET – Reggee Bonoan
