3 Indons pinalaya ng ASG

PINALAYA na rin ng bandidong Abu Sayyaf sa probinsiya ng Sulu ang bihag nilang tatlong Indonesians bandang 1:00 am kahapon sa Jolo,Sulu.

Nakalaya ang tatlong bihag, isang araw makaraan palayain ang isa pang bihag, ang Norwegian national na si Kjartan Sekkingstad kamakalawa sa Patikul.

Ang paglaya ng tatlong Indonesian ay dahil sa isinagawang negosasyon ni Moro National Liberation Front (MNLF) chair Nur Misuari.

Ayon sa report, si Misuari rin ang tumulong sa paglaya ni Sekkingstad na dinukot noong nakaraang taon sa Samal Island ng hinihinalaang mga miyembro ng bandidong Abu Sayyaf.