HATAW! D'yaryo ng Bayan hatawtabloid.com
ZAMBOANGA CITY – Anim miyembro ng Abu Sayyaf ang napatay habang 17 sundalo ang sugatan sa panibagong sagupaan sa lalawigan ng Sulu.
Ito ay kinompirma mismo ngiMajor Filemon Tan, tagapagsalita ng Western Mindanao Command (WeStMinCom).
Kabilang sa mga napatay sa grupo ng mga bandido ang Abu Sayyaf leader na hindi pa pinangalanan ng militar.
Sinasabing halos lahat ng mga sundalo ay nasugatan mula sa shrapnel ng M203 mula sa Abu Sayyaf.
Ang enkwentro ay kasunod ng utos ni Pangulong Rodrigo Duterte sa Armed Forces of the Philippines (AFP) na pulbusin ang grupo ng Abu Sayyaf makaraan nilang pugutan ng ulo ang 18-anyos binatilyong bihag nitong Miyerkoles ng hapon.
