Hero’s burial kay Marcos OK kay Duterte (Militante 1 buwan mag-rally)

ISINANTABI ni Pangulong Rodrigo Duterte ang mga pagbatikos sa pagpapalibing kay dating Presidente Ferdinand Marcos sa Libingan ng mga Bayani dahil kuwalipikado ang dating pangulo sa “hero’s burial.”

“I will allow the burial of Marcos in the Libingan ng mga Bayani. As a matter of fact, I voted for him during his first term,”ani Duterte sa press briefing sa burol ng mga namatay na sundalo sa Camp Panacan, Davao City.

Hinamon niya ang mga kontra sa pagpapalibing kay Marcos na magdaos ng rally sa mga kalye ng isang buwan at papayagan niya.

“Kung ayaw ng ibang Filipino fine. Mag-demonstrate, go ahead. You can use the streets, one month,” ani Duterte.

Napaulat na ililibing sa Libingan ng mga Bayani si Marcos sa Setyembre 18.

Nakalagak ang labi ng dating presidente sa isang refrigerated crypt sa Laoag, Ilocos Norte mula nang bumalik sa bansa ang kanyang pamilya galing  sa Hawaii noong dekada ’90.

( ROSE NOVENARIO )