HATAW! D'yaryo ng Bayan hatawtabloid.com
LA UNION – Hindi na umabot nang buhay sa ospital ang isang pasahero habang dalawa ang sugatan sa banggaan ng truck at tricycle sa national highway ng Brgy. Tubod, Sto. Tomas, La Union kamakalawa.
Kinilala ang biktimang si Winifredo Garcia, habang ang mga sugatan ay sina Julius Peralta, 23, at Edison Peralta, 25, ng Brgy. Fernando sa naturang bayan.
Base sa report ng Sto. Tomas Municipal Police Station, patungo ng timog na direksyon ang tricycle na minaneho ni Peralta nang mag-overtake ito at inagawan ng linya ang truck na minamaneho ni Estaneslao Micayas, 69, may asawa, residente ng Brgy. Valliona, San Jose Bulacan, na naging dahilan ng banggaan ng dalawang sasakyan.
Isinugod sa ospital ang mga biktima ngunit hindi nailigtas si Garcia.
