Tuesday , June 25 2024
arrest prison

2 Bangladeshi, 2 pa arestado sa pagnanakaw sa kababayan

ARESTADO ang dalawang Bangladeshi nationals at dalawang iba pa sa Pasay City nitong Sabado makaraan ireklamo ng pagnanakaw nang mahigit P15-milyon halaga ng mga damit mula sa mga kapwa Bangladeshi.

Kinilala ang mga suspek na sina Mohamad Anowar Hossain, Kamal Hossan, Lawrence Anthony Daliscon, anti-illegal drugs agent, at Jelyn Paraquirre.

Idinawit din ng mga nagrereklamo ang mga suspek sa mga insidente ng pangingikil at kidnapping.

Kuwento ni Melody Bedro, dakong 4:00 pm nitong Sabado nang looban ng mga suspek ang binabantayan niyang garments factory na pag-aari ng mga Bangladeshi sa lungsod.

Kasama aniya sa mga nakuha ng mga suspek ang ilang cellphone at P50,000 cash.

Ngunit hindi ito ang unang pagkakataong nanloob aniya ang mga suspek sa nasabing bodega.

Sa katunayan, umabot na aniya sa P15-milyon ang halaga ng mga damit na ninakaw ng mga suspek sa mga complainant.

Nagbabanta pa aniya ang mga suspek na papatayin ang mga biktima kung hindi sila magbibigay ng pera.

Dahil dito, nagpasaklolo na sa mga pulis ang mga complainant, kaya’t nadakip ang mga suspek.

Nakompiska mula sa kanila ang ilang baril, bala, magazine at bladed weapons.

Lumutang din ang isang lalaking sinasabing kinidnap at binugbog ng mga suspek noong Hulyo 20 hanggang 23.

Kasalukuyang nakakulong na sin Hossain at Hossan, nahaharap sa reklamong robbery in band, extortion, kidnapping at illegal possession of firearms, ammunition and bladed weapons. ( JAJA GARCIA )

About Jaja Garcia

Check Also

arrest, posas, fingerprints

No. 3 MWP ng Leyte  
NAARESTO SA CALOOCAN

ARESTADO ang isang lola na nakatala bilang No. 3 most wanted person (MWP) sa Leyte …

shabu drug arrest

P.2M shabu kompiskado  
BEBOT, ISA PA, TIKLO SA VALE AT KANKALOO

DALAWANG pinaghihinalaang tulak ng ilegal na droga, kabilang ang isang bebot ang inaresto matapos makuhaan …

SAF hinikayat ni Cayetano para sa ‘transformative’ role sa bansa

PARA kay Senator Alan Peter Cayetano, maaaring makakuha ng inspirasyon ang ating mga kababayan mula …

MATATAG curriculum

Creative & critical thinking ng Pinoy students inaasahang patatalasin ng MATATAG curriculum

KOMPIYANSA si Senador Win Gatchalian na tataas ang antas ng creative at critical thinking skills …

prison rape

Most wanted sa statutory rape
68-ANYOS LOLO TIMBOG SA VALE

REHAS na bakal ang kinasadlakan ng isang lolo na wanted sa tatlong bilang ng kasong …

Leave a Reply

Your email address will not be published. Required fields are marked *