Bahay ng pari sa Tondo nasunog

NASUNOG ang kumbento ng mga pari ng St. Joseph Parish sa Gagalangin, Tondo, Maynila kahapon ng madaling araw.

Habang isang pari ang nanakawan sa kasagsagan ng sunog sa gusali sa Juan Luna Street.

Dakong 3:28 am nang magsimula ang sunog sa ikalawang palapag ng kombento.

Naapula agad ang apoy na agad itinaas sa ikatlong alarma dahil yari sa kahoy ang kombento.

Tinatayang nasa P100,000 ang halaga ng pinsala.

Walang naiulat na nasaktan sa insidente.

Samantala, ayon sa Vietnamese national na si Father Dominc Ngo Anh Quoc, nawalan siya ng P50,000 cash, laptop computer, cellphone at ilang Vietnamese dong o currency.

Nasa bansa ang pari para mag-aral.