HATAW! D'yaryo ng Bayan hatawtabloid.com
THE WHO si neophyte congressman na hindi pa man nagsisimula ang session para sa 17th Congress ay nag-iinarte na agad?
Hak hak hak hak hak!
Ano?!
Feeling sikat na?!
Ayon sa ating Hunyango, itago na lang natin si mambabatas sa pangalang “distorted legislator”or in short LD dahil wala raw sa hulog ang ginawa niya sa ilang mamamahayag na nagko-cover sa Kongreso.
Kung matatandaan nagsimula kamakailan ang apat na araw na orientation sa mga bagitong mambabatas para huwag maligaw sa sistema at kalakaran ng Kamara sa oras na magsimula na.
Sa huling araw ng orientation kinausap ng mga mamamahayag si DL kung puwede siyang ma-interview pero sinabi niyang mamaya na lang dahil may picture taking pa sila.
Noong mga oras na iyon naka-set up na ang mga camera sa bandang likod ng kuwartong pinagdausan ng orientation para sa interview.
Kaya ang nangyari, naghintay na lamang ang mga kabaro natin na matapos ang piktyur-piktyur at nang tapos, lumapit ang mga cameraman at reporter sa bandang harap at sinabi baka puwede na siyang maka-panayam.
Nang mga sandaling iyon inilagay na ng mga cameraman ang kanilang kamera sa gawing harapan dahil ang alam nila lalarga na ang interview sapagkat tapos na ang piktyur-piktyur.
Sabay ba naman sinabi ni Cong na sandali lang at kukunin lang niya ang kanyang mga gamit kaya wait-wait na naman ang mga reporter at mamamahayag sa kanya.
Maya-maya, biglang sumenyas ang isang staff na babae ni DL at sinabing sa likod na lang daw ulit mag-interview!
Anak ng Kurimaw! Hilong-talilong na ang mga naghihintay sa’yo Cong!
Sarap mong tirisin ha!
So walang magawa kundi another set-up na naman ang mga cameraman na gigil na pati ang mga reporter.
Nang ma-interview na nila si DL hindi na sila nagtagal sa pagtatanong kung kaya’t dalawang question lang saka nag-alisan agad ang mga galit na reporter at cameraman.
Parang ganito ba, grrrrrrrrrrrrr!!!
Sabi nga ng media practitioners na nakaranas ng pangit na pag-estima ni DL, ‘yon na ang una’t huli nilang interview dahil sobrang arte raw ni Cong at ng babaeng staff niya!
May bumulong sa atin na si babaeng staff daw ang nanunulsol kay Cong kung anong dapat niyang gawin sa pagsasabing dapat si DL ang masunod kung saan niya gustong magpa-interview?
Ngak!
May Hydrocephalus ha!
Laki ulo!
THE WHO? SCANDAL – ni Jethro Sinocruz
