Melai, masaya na naman ang buhay-pag-ibig

NALAGPASAN  na naman ni Melai Cantiveros ang pagsubok sa kanyang married life.

Nagkaayos na sila ng kanyang mister na si Jason Francisco at back to normal ang masaya nilang pagsasama.

Mukhang may konek din ito sa lovelife niya sa  Kapamilya afternoon serye na  We Will Survive. Nagbago na ang takbo ng buhay pag-ibig ni Maricel (Melai Cantiveros) matapos niyang hayagang aminin ang tunay na nararamdaman para sa ama ng kanyang anak na si Pocholo (Carlo Aquino). Mas malaya nang naipararamdam ni Pocholo ang kanyang pagmamahal ngayong handa na si Maricel na muling buksan ang kanyang puso.

Maraming nakare-relate sa tema ng serye tungkol sa love at friendship nina Melai at Pokwang kaya hindi binibitawan ng mga viewer. Bukod dito, havey pa ang punchlines nila kaya nagiging light ang dating ng serye.

Samantala, tuloy-tuloy naman ang paghahanda ni Edwin (Jeric Raval) para sa sorpresang proposal niya kay Wilma (Pokwang). Ngunit sabay sa kanyang palihim na preparasyon ay ang mga maling hinala ng kanyang nobya na dahilan para pagdudahan siya nito.

Magtuloy-tuloy na kaya ang magandang takbo ng pag-iibigan nina Pocholo at Maricel? Paano pa kaya maitatago ni Edwin ang kanyang sorpresa mula kay Wilma? Patuloy kayang umayon ang kapalaran sa kanilang mga buhay?

Marami pang dapat abangan kaya tutukan ang teleseryeng nagpapakita na gaano man kapangit ang mundo, gaganda ang buhay basta’t magkasama tayo, ang We Will Survive tuwing  5:00 p.m. sa ABS-CBN o sa ABS-CBN HD (SkyCable ch 167).

TALBOG – Roldan Castro