Ex-Mayor muntik matodas ni ex-general dahil sa politika?

THE WHO ang isang dating alkalde ng Pampanga na muntik nang makatay ng kanyang kaibigang retiradong Heneral dahil lamang sa politika.

Tinaman ng magaling talagang eleksiyon ‘yan!

Ayon sa ating Hunyango, tumakbo pang  Kongresista si ex-mayor noong 2013 pero minalas dahil siguro wala na sa kanyang puwesto ang kanyang kakamping Presidente.

Har har har har har!

Samantala ang kaibigan naman nitong ex-general ay masasabi raw na mandirigma noong kapanahunan niya at hanggang sa kasalukuyan ay parang panabong na manok na kumikikig pa  kahit amoy lupa na!

Hak hak hak hak hak!

Hayan nailatag ko na ang katiting na background ng dalawang magkaibigan na pare-parehong wala na sa puwesto kaya simulan natin kung bakit muntik nang ma-dedo si ex-mayor.

Ganito po kasi iyon, si ex-general tumaya sa isang presidentiable, habang si ex-mayor doon din naman tumaya pero lumalaro sa takbo ng politika kumbaga sa pula sa puti siya.

In short wais!

Parang mas maganda yata oportunista!

Wahahahahahahaha!

Ang nangyari natalo ang manok nilang magkaibigan at nagkainuman sila sa isang condo riyan sa likod ng Quezon City Hall kasama ang iba pang katoto.

Habang nagkakainuman, nagkapikonan ‘yong dalawang matanda matapos sabihan ni ex-general na sampid lang naman si oportunista ehek si ex-mayor sa sinuportahan nilang presidentiable dahil may iba pa siyang sinuportahan!

Naloko na!

Sa puntong iyon nagkainitan na ang dalawa kung kaya’t bumunot ng baril si mandirigmang Heneral mabuti na lamang at nagkaawatan dahil puputukan talaga si oportunista!

Santisima Trinidad!

Pero hindi pa natatapos doon ang eksena kasi bumaba si Heneral sa parking lot at saka iniharang ang kanyang sasak-yan sa sasakyan ni mayor bago inabangan para hindi maka-eskiyerda!

Kumbaga talagang totodasin!

Paktay kang bata ka!

Mabuti na lang ‘yong ibang kaibigan ng dalawa natunugan ang ginawa ni Heneral kung kaya’t pinasakay na lang sa ibang sasakyan si ex-mayor at nakahulagpos sa karit ni kamatayan.

Abot-abot daw ang pasalamat ni ex-mayor sa mga kaibigan niya at pinagpa-wisan kahit naka-eskapo na sa lugar.

Kasi naman e walang ganunan para ‘di ka malagay sa alanganin!

Boink!

WHO-laan n’yo na kung sino ‘yang dalawang iyan!