Saturday , November 27 2021

Hamon sa liderato ng MPDPC ang pagpaslang kay Alex Balcoba

DAPAT na maunang magpakita ang liderato ng Manila Police District (MPD) Press Corps ng pagpupursige at simpatiya kaugnay sa pagpaslang sa mamamahayag na si Alex Balcoba sa Quiapo, Maynila kamakailan.

Bukod sa pagiging pursigido, dapat rin maging agresibo ang liderato at mga miyembro ng nasabing press corps dahil hindi lang basta miyembro si Balcoba kundi isang opisyal, incumbent director.

Siguro mas mainam kung mayroon din sari-ling investigating body sa hanay ng nasabing press corps o ang NPC kaya, bukod sa binuong task force Alex Balcoba ng MPD at special task force ng National Bureau of Investigation (NBI).

Maging ang pag-ayuda man lang sa MPD at NBI hinggil sa mga sariling feedback na masasagap ay malaking tulong sa pagresolba ng kaso. Importante ang sariling kaalaman ng bawa’t indibidwal sa hanay ng mga mamamahayag ng nasabing press corps.

Alam ninyo MPD Press Corps President Francis Naguit, sayang din kasi ang lahat-lahat ng magandang pinagsamahan lalo sa piling at presensiya ng napaslang na si Director Balcoba.

Di ba nakaka-miss rin MPDPC Director Son, ang mga weekly at monthly na kundi ako nagkaka-mali ay meeting, board meeting, mga fellowship, general meeting, mga piging at higit sa lahat ang nalalapit na eleksiyon na kundi tayo nagkakamali ay ngayong Hunyo ng taon kasalukuyan?

Nasa oposisyon ba ang nasirang Director o nasa line-up  ng  kasalukuyang  administras-yon?

Whatever, wala na tayong pakialam diyan.

Alam mo Prexy Kiko Naguit, hindi rin sapat ang magbigay lang ng abuloy.

Sa tingin naminpagdating sa puso ng sino man lalo sa mga naulila ni Director Balcoba, mas masaya siguro sila at panatag kapag nakitaan tayo ng matinding pagkilos, paggalaw at malasakit mula sa liderato at mga miyembro ng samahan ng Manila Police District (MPD) Press Corps.

Responsible concern lang Pangulo, sampu ng iyong matitikas na opisyal kasama na rin kaming mga miyembro.

Pero maisasagawa lang ito sa pangunguna mo. Teach by example, hindi puwedeng ma-ging pansarili at diyan ka na magiging isang ehemplo na dapat sundin at tularan.

Matagal-tagal na rin na hindi napapansin sa MPDPC press office si Director Balcoba. Mas lalong hindi siya napagkikita sa mga meeting at mga pulong na naganap.

Kung sa bagay ay di na sakop ng karunu-ngan ko ang bagay na iyan bagkus ay mas sakop ng karunungan ninyo ang bagay na iyan bilang mga opisyal ng MPD Press Corps.

Sana’y huwag naman kakargahan ng nega-tibong pag-iisip ang ating mga binabanggit dahil  ito ay napapansin lang naman natin.

Wala rin tayong personal at ibang intensi-yon lalo ang makasakit ng kapwa.

Pagbubuklod lang ang nais ipahiwatig para sa isang matibay at matatag na press corps.

Sana’y maging inspirasyon na lang natin si Director Balcoba, mami-miss ka rin ng karamihan.

Tanging alaala mo lang ang maiiwan, isang Alex Balcoba na naging bahagi at institusyon ng Manila Police District (MPD) Press Corps.

Sa kanyang mga naiwan at mga naulila, taos -puso po kaming nakikiramay.

Justice for Journalist, meron nga ba?

ILAN taon o dekada na naman kaya ang dapat hintayin natin bago ma-convict, kung madadakip ang suspek at utak sa pagpatay kay Alex Balcoba?

Iyan ang mga katanungan na naglalaro sa ating mga isipan lalo sa isyung tungkol sa media killings.

Kung minsan ay dapat na tayo na mismo ang magsagawa ng mind-conditioning o mind-set. Hindi kaila sa atin ang dalawang matinding halimbawa na nangyari sa nakalipas na panahon.

Pinakamatindi rito ang Ampatuan Massacre sa Maguindanao na 54 katao ang niratrat hanggang sa kanilang kamatayan.

Mayoridad sa kanila media members na nag-cover sa isang post election event.

Matagal na rin nakapiit ang prime suspect na si Zaldy Ampatuan at iba pa. Halos magsa-sampung taon na ang nakaraan ngunit ang kaso ay ongoing o nganga pa rin.

Wala rin tayong ideya kung ano na ang estado nito.

Mantakin ninyo, tapos na ang termino ng da-lawang Presidente na sina Pangulong Arroyo at Pangulong Pinoy Aquino ay hindi pa rin tapos ang kaso na 54 katao ang pinaslang?!

Ang nakakatakot dito, baka sa bandang huli ay maabsuwelto pa ang mga damuho!

Tsk tsk tsk…

Sana naman sa pagpasok ni DIGONG DUTERTE bilang Pangulo ay matuldukan ito at maigawad ang katarungan para sa mga biktima.

Ganito ba talaga ang kalakaran sa ating batas?

Iba talaga ang tinitingnan sa tinititigan?

Sana’y huwag matulad ang kaso ni Balcoba sa ibang media killings na inagiw na pero wala pa rin hustisyang naigagawad!

Jutsice for Alex Balcoba and all victims of media killings!

About Bong Ramos

Check Also

AKSYON AGAD ni Almar Danguilan

Alyansa palakasin para sa Pag-asa Island/WPS — Eleazar

AKSYON AGADni Almar Danguilan MATAPOS magtanim ng bandera ng bansa sa Pag-asa Island sa kalagitnaan …

Bulabugin ni Jerry Yap

A heartfelt message for JSY

Before I start, I am speaking on behalf of my mom from her perspective, in …

Usaping Bayan ni Rev. Fr. Nelson Flores, MSCK, JD

Paalam pre…

USAPING BAYANni Rev. Fr. Nelson Flores, MSCK, JD. LABIS akong nabigla at nalungkot nang mabalitaan …

Bulabugin ni Jerry Yap

Memories with JSY

“LET us always find opportunities to be with the people we value the most. Life …

Isumbong mo kay DRAGON LADY ni Amor Virata

Nightclub sa Parañaque nag-ooperate kahit walang business permit/s

Isumbong mokay Dragon Ladyni Amor Virata SUPER POWER naman itong  Dynasty Club, KTV/Disco Bar na …

Leave a Reply