Friday , March 29 2024

Kakaibang pananaw

SANA ay mabago ang kakaibang paniniwala o pananaw ng bagong mauupong Pangulong Rodrigo Duterte sa mga mamamahayag at kadahilanan ng media killings.

Kamakailan lang ay nagpahayag si Duterte na may ilang mamamahayag umano ang pinaslang sa bansa dahil sila ay corrupt. Kinondena ito ng marami.

Maging ang guro na maybahay ng reporter/columnist na si Alex Balcoba na si Florabel ay umalma sa pahayag ng susunod na pangulo. Si Alex ang pinakahuling taga-media na pinaslang ng riding-in-tandem sa Quiapo nitong nakaraang Mayo 27.

Naiyak sa galit ang biyuda dahil parang nawalan daw siya ng pag-asa na malulutas ang kaso batay sa pahayag ni Duterte. Hindi raw naging corrupt ang kanyang asawa kailan man.

Sa galit ng international media group na Reporters Without Borders ay hinimok nila ang Philippine media na i-boycott ang press conference ni Duterte hangga’t hindi humihingi ng paumanhin sa nasabi. Nagpahayag tuloy ang kampo ni Digong na hindi muna siya magpapa-press conference.

Ang Committee to Protect Journalists ay nagsabi na ang obserbasyon ni Digong na nagbibigay ng katwiran sa media killings, ay nagbabanta naman na gawing “killing field” ang ating bansa para sa mga mamamahayag.

Ang komento ni Duterte ay maaaring batay sa naganap sa isang radio commentator sa Davao City na batid niyang pinaslang dahil sa pagiging corrupt. Gayon man ay hindi naman dapat asahan ni Digong na pare-pareho ang media at ipalagay na ang lahat ay nanghihingi ng pera.

Alalahanin na tungkulin ng media na ilantad ang katotohanan sa likod ng mga kaganapan. Kapag nasilip ng reporter na may nagawang kapalpakan ang isang pribadong mamamayan, politiko o opisyal ng gobyerno ay ibabalita niya ito sa pahayagan, radyo, TV o sa online news.

Tagapaghatid lang ng ulat ang mamamaha-yag dahil ang totoong lumikha ng balita ang sino mang paksa ng report at gumawa ng pagkakasala.

Kung nabatikos man sa ulat ay puwedeng sagutin ng kinauukulan.

Pero dahil nabuko ang kalokohan, sa halip na sumagot ay mas pinipili pa ng iba na umupa ng hired killer para ipapatay ang mamamahayag.

Para sa kaalaman ng susunod na Ginoong Pangulo, ito ang dahilan sa likod ng karamihan ng media killings sa bansa.

Oo nga’t may mga mamamahayag na nababayaran pero iilan lang sila kompara sa karamihan sa amin na tapat na ginagampanan ang aming tungkulin na ibunyag ang katotohanan sa madla.

***

SHORT BURSTS. Para sa mga komento o reaksiyon, mag-email [email protected] o mag-tweet sa @Side_View.

About Robert B. Roque, Jr.

Check Also

YANIG ni Bong Ramos

Riders at tricycle drivers, ‘suki’ ng traffic enforcers

YANIGni Bong Ramos KAHABAG-HABAG ang kalagayan ng riders at tricycle drivers dahil sila ay suking …

Dragon Lady Amor Virata

OIC chief of police, kapuri-puri

Isumbong mokay DRAGON LADYni Amor Virata HUMARAP kamakailan si OIC Chief of Police ng lungsod …

FIRING LINE ni Robert B. Roque, Jr.

Quiboloy, wanted dito at sa ibang bansa

FIRING LINEni Robert B. Roque, Jr. PARA sa isang sumusumpang inosente siya habang nagkukubli sa …

Dragon Lady Amor Virata

Negosyanteng intsik  inirereklamo ng mga empleyado

Isumbong mokay DRAGON LADYni Amor Virata INIREREKLAMO ng may 11 empleyado ang JUJU Mart na …

FIRING LINE ni Robert B. Roque, Jr.

Namamayagpag si Tulfo

FIRING LINEni Robert B. Roque, Jr. SA HULING survey ng WR Numero na ginawa noong …

Leave a Reply

Your email address will not be published. Required fields are marked *