HATAW! D'yaryo ng Bayan hatawtabloid.com
MAY nagtanong sa amin kung nagpapapansin sina Coleen Garcia at Jessy Mendiola para sa FHM dahil panay ang post nila ng kanilang sexy body na talagang naka-two piece lang.
Baka nga kasi may karapatan naman talaga ang dalawa na i-post sa social media ang maganda nilang katawan.
Aware rin sina Coleen at Jessy na maraming nagnanasa sa kanila lalo na sa huli na walang boyfriend kaya walang takot nitong ibinabalandra ang katawan na halos hubad na.
Pero mukhang mahina ang fan base ng dalawang aktres dahil tinalo sila ni Nadine Lustre na kasalukuyang number one ngayon sa FHM at tinalo na niya sina Jennylyn Mercado, Angel Locsin, at Marian Rivera.
Kasalukuyang nasa number 3 slot si Jessy pero naungusan na siya.
Kaya pati boyfriend ni Nadine na si James Reid ay nag-react na sa kanyang Twitter account ng, “hoy, who is responsible for this?”
Tila hindi type ni James na mapabilang ang girlfriend niya sa FHM sexiest stars, pero ang mismong JaDine fans ang nagsabing sila ang responsable rito at sabihan lang sila kung titigil na sila sa pagboto.
Pero hindi naman sila sinagot ng aktor kaya tuloy-tuloy pa rin sa pagboto ang mga ito para manatiling nasa number one ang idolo nila.
May nagbiro pa kay James na fan na mamili na raw ang aktor kung ano ang gustong isuot ni Nadine sa pagrampa nito at naka-post ang mga litrato nina Marian at Angel na parehong may pakpak.
Kung paramihan ng boto, tiyak winner na si Nadine, pero kung pa-seksihan talaga ang iboboto ng mga hurado, maglalaban sina Jennylyn, Jessy, at Coleen isama mo pa sina Arci Munoz at Angel.
FACT SHEET – Reggee Bonoan
