ALAM MO NA!
ni Nonie Nicasio
PATULOY sa paghataw ang singing career ni Andrea Gutierrez. Kilala sa bansag na Bossa Nova Princess,
kaliwa’t kanan ang guestings niya sa mga concert.
Kaya naman aminado siyang masaya sa takbo ng kanyang singing career.
Aniya, “Yes po, sobrang happy and grateful po ako sa nangyayari sa career ko ngayon. I’m just enjoying the journey and taking every opportunities that comes my way.”
Ano ang feeling na madalas siyang busy sa gigs or laging in demand sa mga concert?
Tugon ni Andrea, “Super thankful po ako na nabibigyan ako ng maraming opportunities to perform sa shows…
“I’ll be one of the guest performers po on Sept. 26 sa concert ni Mr. Richard Reynoso at Teatrino. I’ll also be doing the pre-show on Oct. 8 for the concert of Neocolors and The Company at the Newport Performing Arts Theatre. Then on Nov. 26, I’ll be performing as the pre-show act for Ms. Pops (Fernandez).”
Dagdag pa niya, “Thankful po ako sa mga taong nagtitiwala at nagbibigay sa akin ng opportunities.”
Ang nickname niya ay Andeng at ang dalaga ay isang licensed pharmacist. “I passed the Pharmacist Licensure Examination last April 2025.”
Nakadalawang single na siya, ang “Naghihintay”
at “Mestizong Gwapo”. May new single na ba siya?
“My latest song po is Mestizong Gwapo, hopefully this year, makapag-release po ako ng songs and excited po akong i-share ito sa lahat.”
Sino ang inspirations niya as a singer?
“My favorite singer po talaga ay si Ms. Sitti. I admire her style and the way she perfroms.”
Inusisa rin namin siya kung ano ang maituturing niyang most memorable show o concert?
Esplika ni Andrea, “One of the most memorable show po for me was when we performed in Subic. Hindi ko po talaga ini-expect na kilala pala nila ako. Sobrang na-enjoy ko po ‘yung performance kasi nakita ko talaga na nag-e-enjoy sila and nakikisabay sila sa pagkanta, and they were really engaged throughout the show.
“After the show po, ang daming nagpa-picture sa akin and that moment really made me feel appreciated and reminded me why I love performing.”
May plano ba na magkaroon siya ng solo concert? And ano ang magiging porma o tema nito, if ever?
“Actually nagkaroon na po ako ng major concert before kasama si Tito Chad Borja, and Jazz and Bossa Nova ‘yung theme ng concert namin. If magkakaroon po ako ng solo concert in the future, definitely gusto ko po ay Bossa Nova pa rin ang theme.”
Thankful din ang magaling na singer sa pagiging supportive sa kanya ng mga mahal na magulang na sina Mrs. Weng and Mr. Ric Gutierrez.
“Yes po super supportive po ng mom ko and sobrang thankful po ako sa support niya sa akin,” masayang wika pa ni Andrea.
