DustBia wala pang relasyon kahit super sweet kapag magkasama
RATED R
ni Rommel Gonzales
HALOS langgamin sa sweetness tuwing magkasama, pero ayon mismo kina Dustin Yu at Bianca de Vera, wala pa silang relasyon bilang magkasintahan.
Hindi naman sila nagmamadali.
Ayon kay Dustin sa recent guesting nila sa Fast Talk With Boy Abunda, “Honestly tito, naghihintay na lang talaga ako ng sagot.
“And kung talagang kailangan ko maghintay habang buhay, gagawin ko!”
Ayon pa sa Sparkle actor, ang mahalaga ay ini-enjoy nila ni Bianca ang kanilang samahan.
Sinabi naman ni Bianca na hindi sila nagmamadali ni Dustin na dalhin na sa next level ang friendship nila.
Lahad ng dalaga, “I think hindi rin naman kami nagmamadali. I mean, we have so much time together.
“I mean, Dustin is a great guy. I think he is the most consistent man I’ve ever met in my whole life, well of course besides my dad.
“Grabe rin kasi manindigan si Dustin, which I admire very much.”
Ang mga proyektong pinagsamahan na ng DustBia (Dustin at Bianca) ay ang unang season ng Pinoy Big Brother Celebrity Collab Edition, ang The Secrets of Hotel 88, sa music video ng The Juans para sa Ngiti, at music video ng Lily para sa Kinakabahan.
Isasagawa naman ang DustBia Love, Actually fanmeet sa New Frontier Theater sa Quezon City sa August 8.
