Global Academy of Rock Philippines charity inilaan sa mga senior at PWD  

MATABIL
ni John Fontanilla

MATAGUMPAY na naidaos noong June 28 ang Global Academy of Rock Philippines’  Rock with Heart Don’t Stop Me Now charitysa pangunguna ni Ms Priscila Teo, CEO and Founder ng Academy of Rock na ginanap sa Quezon City Hall (Risen Garden).

Katulad ng slogan ng Global Academy of Rock Philippines, “It’s Never Too Early and Never Too Late to give back on our community,” naging panata na ni Ms Pricila at ng kanyang mga partner na magsagawa ng charity taon-taon at ngayon ay ang mga senior ciitizen at mga PWD ang kanilang pinasaya sa pamamagitan ng pamimigay ng groceries.

Nagbigay naman ng live performance ang all male Ppop Group na Azter at ang Grand Championn ng Idol Philippines 2 na si Khimo.

Nakibahagi rin at nagbigay suporta ang Star Music big boss at partners ni Ms Priscila sa Global Academy of Rock Philippines na sina Rox Santos at Jonathan Manalo.

Nagsimula ang paggawa ng charity ni Ms Priscila 2010 pa.

“I start doing this since 2010. I started it in Cebu, but in Quezon City this is the first time because we always go around in different places to do charity. 

“So it’s like my mission to do it every year in different places.” 

Dagdag pa nito, “We always choose seniors, because the seniors and the young with disability, the group of them, I feel that we need to help and show more love.”

Malapit sa puso ni Ms Priscila ang mga PWD, specially mga batang may disabilty dahil may anak din siyang lalaki na may special needs, kaya naman nauunawaan niya ang mga ito.

“Because I have a son also with special needs, so I also really understand them.” 

At isa nga sa pangarap nito ang makapag-charity hindi lang sa Pilipinas, kundi maging sa ibang bansa.

Isa ngang tunay na may ginintuan at mabuting puso si Ms Priscila na bukas ang mga palad sa pagbabahagi ng kanyang blessings sa mga taong nangangailan ng tulong.