HATAW! D'yaryo ng Bayan hatawtabloid.com
MATABIL
ni John Fontanilla
STAR-STUDDED ang katatapos na 17th Star Awards for Music ng PMPC Star Awards Inc. na ginanap noong Huwebes, Hunyo 25, 2026, sa Teatrino, Promenade Greenhills, San Juan City.
Hindi nasayang ang pagdalo nina Moira, James Reid, at magkapatid na Paulo at Miguel Benjamin ng Ben&Ben dahil kabilang sila sa big winner sa katatapos na awards night.
Si Moira ang itinanghal na Female Recording Artist of the Year. Nasungkit naman ng jgh album ni James Reid ang Album of the Year. Habang iniuwi naman ng Ben&Ben ang Duo/Group Artist of the Year.
Idagdag pa riyan ang nakuhang special award ni Moira na Female Star of the Night at si James bilang Male Celebrity of the Night.
Maging ang dalawa sa hosts na sina Jayda Avanzado at Dylan Menor ay nagkamit din ng mga parangal. Hindi nga makapaniwala si Jayda na mananalo siya ng Female Pop Artist of the Year plus Female Celebrity of the Night. Wagi naman si Dylan ng Male Star of the Night. Nakasama nilang mag-host sina Jarren Garcia at Marthena Jickain.
Dumalo rin sa music event si Maki kaya natanggap niya ang award niyang Male Pop Artist of the Year. Pero kinailangan niyang umalis dahil may tinatapos pa siyang recording kaya hindi niya nakuha ng personal ang tropeo para sa hit song niyang Dilaw, na nanalong Song of the Year.
Hindi nakapunta sa taunang parangal ng PMPC ang SB19, BINI, at si TJ Monterde. Marami pa naman silang napanalunan. Pero nagpadala sila ng representatives mula sa kanilang management team at recording company.
Nagwagi ang SB19 ng Duo/Group Concert Performer of the Year at Concert of the Year para sa kanilang Pagtatag! World Tour (Manila). Nakuha rin nila ang award para sa Music Video of the Year (Kalakal with Gloc-9), gayundin ang special Fan Favorite Award mula sa co-presentor ng music event na PlayTime. Ang SB19 ang nakakuha ng pinakamaraming boto mula sa isinagawang fan poll ng PlayTime sa kanilang website.
Nanalo naman ang BINI ng Pop Album of the Year para sa kanilang Talaarawan album sa Star Music. Winner din sila sa Dance Recording of the Year para sa dance hit nilang Salamin Salamin. Ang naka-tie nila sa naturang award, ang Bilib na present kaya natanggap ang tropeo para sa kanta nilang Say Whatcha Wanna Say.
Tatlong award ang pinagwagian ni TJ—Male Recording Artist of the Year, Male Concert Performer of the Year, at Collaboration of the Year na naka-duet niya ang kanyang misis na si KZ Tandingan sa awiting Palagi.
Hindi rin nakapunta sa awards night si Kris Lawrence na nanalong R&B Artist of the Year. Pero nagdulot naman ng kilig sa audience ang pagdating ng dati niyang karelasyon na si Katrina Halili para tanggapin ang award. Tila patunay ito na talagang nagkakamabutihan muli ang dalawa lalo’t madalas silang mapanood sa kanilang collab videos sa social media.
Present naman lahat para tanggapin ang kanilang mga natatanging parangal na Pilita Corrales Lifetime Achievement Award sina Celeste Legaspi at Andrew E, pati na si Mon del Rosario na pinagkalooban naman ng Parangal Levi Celerio Lifetime Achievement Award. Hinandugan ng tribute performance ni Ima Castro si Celeste, ang Salbakuta para kay Andrew, at sina Chad Borja at JV Decena kay Mon.
Dumalo at nag-perform pa ang legendary group na Rainmakers, na recipient ng Mga Natatanging Alagad ng Musikang Pilipino.
Kabilang din sa singers at performers na nagtanghal sina Jarren Garcia, Sam Concepcion, at Jojo Mendrez.
Nakatuwang ng PMPC Star Awards Inc. sa pag-organisa ng 17th Star Awards for Music ang Echo Jham Entertainment Production na pinamumunuan ni Ms. Mhae Sarenas. Si Calvin Murphy Neria ang nagdirehe ng music event.
Nagdiriwang at nagpapasalamat naman sa tagumpay nito ang mga opisyales at miyembro ng PMPC Star Awards Inc. sa pangunguna ng kasalukuyang Pangulo na si Fernan de Guzman at Overall Chairman na si Mell Navarro.
Samantala, narito ang kompletong listahan ng mga nagwagi sa 17th Star Awards for Music:
Female Recording Artist of the Year
— Moira Dela Torre – “San Ka Na” (UMG Philippines)
Male Recording Artist of the Year
— TJ Monterde – “Sariling Mundo” (PolyEast Records)
Duo / Group Artist of the Year
— Ben & Ben – “The Traveller Across Dimensions” (Sony Music Phils.)
Album of the Year
— “jgh” – James Reid (Careless Music / Sony Music Phils.)
Song of the Year
– “Dilaw” – Maki (Tarsier Records)
Composers: Ralph William Datoon, Viktor Nhiko Sabiniano
Male Concert Performer of the Year
– TJ Monterde – “Sarili Nating Mundo Concert” (Cornerstone Concerts)
Female Concert Performer of the Year
– Regine Velasquez – “Regine Rocks: The Repeat” (iMusic Entertainment)
Female Pop Artist of the Year
– Jayda Avanzado – “Right Lover, Wrong Time” (UMG Philippines)
Male Pop Artist of the Year
– Maki – “Dilaw” (Tarsier Records)
Pop Album of the Year
— “Talaarawan” – BINI (Star Music)
Concert of the Year
— “Pagtatag! World Tour (Manila)” – SB19
Director: Justin De Dios
Producer: 1Z Entertainment
Duo/ Group Concert Performer of the Year
– SB19 – “Pagtatag! World Tour (Manila)”
1Z Entertainment, Black Star Entertainment Productions, KDR Music House
Music Video of the Year
— “Kalakal” – SB19 x Gloc-9
Director: Alanshiii (Alan Ante Jr.)
Producers: RADKIDZ, 1Z Entertainment
New Male Recording Artist of the Year
– Dwayne Garcia – “Taym Perst Muna” (Star Music)
New Female Recording Artist of the Year
– Debbie Lopez – “Ang Higugmaon Ka” (KB Records)
ROCK ARTIST OF THE YEAR
— Sponge Cola – “Tatlong Buwan” (Independent)
FEMALE R&B ARTIST OF THE YEAR
— Zéla – “Pogi Boy” (AQ Prime Music)
MALE R&B ARTIST OF THE YEAR
— Kris Lawrence – “Within” (Vehnee Saturno Music)
FEMALE ACOUSTIC ARTIST OF THE YEAR
— Angela Ken – “Kulimlim” (Tarsier Records)
MALE ACOUSTIC ARTIST OF THE YEAR
— Juan Karlos – “Tanga Mo Juan” (Sony Music Phils.)
COLLABORATION OF THE YEAR
– “Hanggang Dulo” – Jos Garcia x Nolo Lopez (Stardom Music Production) and Palagi – TJ Monterde x KZ Tandingan (Independent)
RAP ALBUM OF THE YEAR
— “Drugs” – Shanti Dope (Universal Records)
RAP ARTIST OF THE YEAR
— Illest Morena – “Morenita” (Independent / TMP Industries)
NEW FEMALE GROUP ARTIST OF THE YEAR
— PIX!E – “Iced Coffee” (Viva Records)
NEW MALE GROUP ARTIST OF THE YEAR
— Five Fingers – “Lakas Mo” (Star Music / DNA Music PH)
DANCE RECORDING OF THE YEAR
— “Say Whatcha Wanna Say” – Bilib (AQ Prime Music) and “Salamin Salamin” – BINI (Star Music)
REVIVAL RECORDING OF THE YEAR
— “Ipagpatawad Mo” – Khel Pangilinan (M Music Live)
INSPIRATIONAL SONG OF THE YEAR
— “Pagmamahal sa Tinubuang Lupa” – Kayla Acosta, Kamilla Acosta, Enoch Casiño, Emilio David, Ephraim Maglaque (Independent)
Composer: Atty. Persida V. Rueda-Acosta; and “Ningas Ng Pag Asa” -Jamie Rivera Feat. 92 AD (Star Music)
CHRISTMAS SONG OF THE YEAR
— “Rainbow Christmas” – Vice Ganda (Star Music)
Composer: Vice Ganda, Jonathan Manalo, Roque “Rox” Santos, Jeremy Glinoga
Pilita Corrales Lifetime Achievement Award
— Celeste Legaspi
— Andrew E
Parangal Levi Celerio Lifetime Achievement Award
— Mon Del Rosario
Mga Natatanging Alagad ng Musikang Pilipino
— Rainmakers
Female Star of the Night
— Moira Dela Torre
Male Star of the Night
— Dylan Menor
Female Celebrity of the Night
— Jayda Avanzado
Male Celebrity of the Night
— James Reid
Playtime Fan Favorite Award
— SB19
Bulacan Governor Daniel Fernando-
Most outstanding public servant and actor of the year,Businessman/Influencer Boss Toyo Community Hero Influencer of the year,
New Teen Idol Sweetheart of the Year – Isha Ponti
Music Legacy and Excellence Award 2026 – Emma Cordero
Breakthrough P-Pop Group Artist of the Year – Blue Dreamers PH
Excellence in Law and Academic Award – Atty. Ernelson Trojillo
Most Outstanding Legal Advocate – Atty. Persida Rueda-Acosta
Breakthrough Female Singer & Actress of the Year – Charina Carmen
