Pulis  dinakma sa 105 gramo ng shabu

INARESTO ng Police Regional Office 3 ang isang pulis sa isang buy-bust operation na isinagawa sa San Jose, San Fernando City, Pampanga kahapon, Mayo 12, 2026,

Ayon kay Central Luzon top cop PBGen Jess Mendez, ang suspek ay may ranggong patrolman, at 105 gramo ng pinaghihinalaang shabu na nagkakahalaga ng humigit-kumulang P714,000 ang nakumpiska mula sa kanya.

Ipinaalam sa naarestong pulis ang kanyang mga karapatan sa konstitusyon at dinala sa tanggapan ng PDEU kasama ang mga nakumpiskang ebidensya para sa wastong dokumentasyon at disposisyon.

Inihahanda na ang mga kasong paglabag sa Seksyon 5 at 11, Artikulo II ng Republic Act 9165, o ang Comprehensive Dangerous Drugs Act of 2002, para sa pagsasampa sa korte. (MICKA BAUTISTA)