HATAW! D'yaryo ng Bayan hatawtabloid.com
NASAKOTE sa ikinasang manhunt operation ng mga awtoridad ang isang lalaking sangkot sa dalawang bilang ng kasong statutory rape sa lungsod ng Meycauayan, lalawigan ng Bulacan, nitong Martes, 5 Mayo.
Sa ulat ni P/Lt. Col. Jordan Santiago, hepe ng Marilao MPS, kay OIC PNP Provincial Director P/Col. Jay Baybayan, kinilala ang suspek na si alyas Gani, 28 anyos, garbage collector, residente sa Tibagan, Brgy. Prenza, Marilao kung saan siya naaresto.
Base sa paunang imbestigasyon, ganap na 10:00 ng umaga nitong Lunes, 4 Mayo, nang isilbi ang warrant of arrest laban sa suspek na inisyu ni Presiding Judge Elenita N.E. Macatangay-Alviar ng Meycauayan City RTC Branch 121.
Nabatid na may dalawang bilang ng kasong statutory rape ang suspek na walang inirekomendang piyansa habang tig-P120,000 ang itinakdang piyansa sa bawat bilang para sa tatlong kasong Rape by Sexual Assault.
Matapos ang pag-aresto, agad na isinailalim sa dokumentasyon ang akusado para sa tamang disposisyon at turnover sa hukuman na naglabas ng warrant.
Kasalukuyang nakadetine ang suspek sa Marilao MPS Jail. (MICKA BAUTISTA)
