HATAW! D'yaryo ng Bayan hatawtabloid.com
I-FLEX
ni Jun Nardo
COUNTING her blessings na lang ang ginagawa ng Nation’s Mutya na si Ashtine Olviga kaysa mga negatibong bagay na ibinabato sa kanya.
Multi-talented si Ashtine dahil marunong kumanta, sumayaw, at umarte. Naging malaking tulong sa career niya ang maka-loveteam si Andres Muhlach.
Eh kahit nga pinaghiwalay na sila ng Viva, wala kang maririnig na masamang salita kay Ashtine tungkol kay Andres kahit nali-link sa isang Kai Montinola.
“Hindi ko po iniisip ang ganyan. Ginagawa ko lang ang trabaho at walang dahilan para ma-insecure o affected ako kay Kai.
“Love lang po and I don’t want to dwell sa mga ganyan. Happy lang tayo dapat!” rason ni Ashtine sa launching ng kanyang coming milestones sa career.
Kalalabas lang ng bagong single ni Ashtine na Love Like U na daang libo na ang streaming.
By August 22, 2026, ang major concert niyang Love Like Ashtine ang aabngan ng tao. Sa birthday naman niya sa May 17 eh, babyahe siya sa ibang bansa kasama ng magulang at kapatid.
Then kalalabas lang ng kanyang scent na Dear Ash.
So, dasurv ni Ashtine kung maging solo artist na siya dahil kaysa maging nega eh pawang positibong pananaw ang nasa utak niya!
