HATAW! D'yaryo ng Bayan hatawtabloid.com
NAKATAKDANG irekomenda ni Senate President Vicente “Tito” Sotto III kay Senador JV Ejercito Chairman ng Senate Committee on Ethics na pagpaliwanagin si Senador Ronald “Bato” dela Rosa sa mga reklamong iniharap laban sa kanya.
Kabilang sa mga reklamong inihain laban kay Dela Rosa ang hindi pagpasok at pagdalo sa mga sesyon ng senado pero sa kabila nito’y patuloy pang tumatanggap ng suweldo.
Magugunitang simula pa noong Nobyembre matapos lumabas ang balitang mayroong warrant of arrest na inilabas ang International Criminal Court (ICC) laban kay Dela Rosa kaugnay sa kasong crimes against humanity gaya ng kasong kasalukuyang inililitis kay dating Pangulong Rodrigo Duterte.
Ayon kay Sotto, marapat na mapakinggan ang panig ni Dela Rosa ukol sa kasong isinampa laban sa kanya.
Aminado si Ejercito na pansamantala muna nilang ipinagpaliban ang pagtalakay ukol sa reklamo laban kay Dela Rosa upang hintayin ang sagot ng senador.
Apat na reklamo laban sa ilan pang mga senador ay agad nang ibinasura ng komite.
Isa sa tinukoy ni Ejercito ang reklamong iniharap laban sa kanya dahil itinuring nilang ang mga reklamo ay pawang ‘frivolous’ o walang sapat ba batayan.
Ngunit tiniyak ni Ejercito na maaring muling isampa ang mga nabasurang reklamo basta sundin lamang ang mga itinakdang requirements sa porma at nilalaman ng reklamo. (NIÑO ACLAN)
