HATAW! D'yaryo ng Bayan hatawtabloid.com
MAHIGPIT na ipinag-utosni Departmen-t of Public Works and Highways (DPWH) Secretary Vince Dizon ang pagrepaso sa National Building Code ng bansa.
Sa ilalim ng Special Order No. 155 na inisyu noong 7 Abril 2026, muling binuo ni Dizon ang National Building Code Review Committee (NBCRC) upang tasahin ang umiiral na balangkas at magrekomenda ng updates ukol dito.
Itinalaga ni Dizon si DPWH Undersecretary for Planning, Public-Private Partnerships, and the National Building Code Development Office, Atty. Nicasio Conti bilang chairman ng NBCRC habang si DPWH Undersecretary for Technical Services and Operations for External Convergence Projects, Engineer Lara Marisse Esquibil ang vice chairman.
Inatasan ang nasabing komite na suriin ang mga tinukoy na concerns ng mga professional at technical groups at magrekomenda ng kaukulang aksiyon hinggil sa isyu ng code at Revised Implementing Rules and Regulations (RIRR) nito na inisyu noong 2005.
Ani Dizon, mahalaga ang pagrepaso upang matiyak na ang building regulations ay nananatiling relevant, sa gitna nang nagbabagong construction practices at safety standards.
Ang National Building Code o ang Presidential Decree No. 1096, ay isinabatas noong 1977 at huling nakitaan ng major updates sa implementing rules nito noong 2005.
