Pinay International singer simple ang celebration ng kaarawan 

MATABIL
ni John Fontanilla

MAS piniling hindi magkaroon ng malaking selebrasyin ang Pinay/international singer, Jos Garcia dahil sa hindi magagandang nangyayari sa mundo.

Tsika ni Jos, “Nag-celebrate po ako ng simpleng kaarawan dito sa Japan, nagluto lang ako sa bahay, then nagdasal lang po.

“Mas pinili ko na ‘wag na lang mag-celebrate ng birthday, dahil na rin sa dami ng hindi magagandang nangyayari sa mundo.

“Mas gusto ko na lang tumulong sa mga kababayan nating nangangailangan ng tulong, lalo na sa mga panahon ng krisis, katulad ngayon,” pahayag ng singer na nakabase sa Japan.

Dagdag pa nito, “Pero kahit na simple lang ang naging selebrasyon ko ng birthday ko, masaya naman ako na nakasama ko ang ilan sa aking malalapit na kaibigan sa birthday ko.”

Wish  ni Ms. Jos sa kanyang kaarawan na magkasundo-sundo ang mga leader ng bawat bansa, para maiwasan ang giyera at conflict sa isa’t isa.

Wish din nito na maresolba na ang krisis sa buong mundo. At para naman sa kanyang sarili ay isang malusog na pangangatawan at magandang takbo ng singing career.

“Sana po ay magkaroon ng pagkakasundo ang buong mundo. Mawala na ang war at magkaroon ng pagkakaisa.

“Tapoa bumalik na at maging normal na ang lahat para maging maayos ang ekonomiya.

“Siyempre po wish ko rin na sana lagi akong healthy at maging maganda ang takbo ng aking singing career,” pagtatapos ni Josh.