HATAW! D'yaryo ng Bayan hatawtabloid.com
PUSH NA’YAN
ni Ambet Nabus
WALA na raw bang ibang karir si Carla Abellana maliban sa pagsagot o pag-deadma nito sa mga personal na bagay?
Pinag-uusapan nga ang naging sagutan ng Prime Water Company at ni Carla kaugnay sa usapin sa serbisyo ng tubig sa lugar ng aktres.
Talagang tinawag ni Carla ang pansin ng kompanya ng tubig na inirereklamo rin ng ibang consumers dahil daw sa walang kwenta nitong serbisyo. Marami nga ang humanga kay Carla gaya ng paghangang ibingay sa kanya sa mga previous “hanash” niya sa ibang usapin gaya ng traffic, pag-aalaga sa pets, at iba pa.
Pero napuna rin ng socmed world ang pande-deadma niya kapag ang usapin ay tungkol sa kanyang ina at ama, o dating asawa o ibang kaibigan.
Goods naman daw na marunong pumili si Carla ng laban niya pero may mga bagay din minsan na nangangailangan ng sagot mula sa kanya.
At ang pinaka-obvious nga raw sa ngayon ay kung ano ang ibang showbiz ganap niya ngayon?
