Rayver, Julie Anne pangmalakasan opinyon sa ClaskBackers

I-FLEX
ni Jun Nardo

PANGMALAKASAN ang bagong season ng GMA’s singing search na The Clash. Magbabakbakan kasi sa ongoing season ang dati nang sumali sa search na ang tawag ay ClashBackers at mga baguhan ang kanilang makatatapat.

Ang showbiz couple na sina Julie Anne San Jose at Rayver Cruz ang hosts ng show.

“I think ito ‘yung pinakamalaking ‘The Clash’ sa mga season!” sabi ni Julie.

“First ever na mangyayari sa ‘The Clash.’ Nandoon na ang experienced na hindi rin naman patatalo ang the clashers!” sey naman ni Rayver.

Eh bukod sa hosts sila, marunong din silang kumanta, wala bang clash sa opinions ng judges sa choices nilang manalo?

“Kailangan naming maging neutralk. Kasi kami ang hosts,” sagot ni Rayver.

“We need to balance. Matagal na silang judges kaya alam nila kung sino ang dapat manalo.

“Ayaw naming masabi na may kinikilingan kami. In the end, it’s still a competition,” rason ni Julie.

Sa totoo lang, hindi pa couple sina Julie at Rayver nang maging hosts ng The Clash pero ngayon, strong couple na.

Every Sunday napapanood ang The Clash.