Jace Salada bibida sa Sa Aking Mga Anak 

MATABIL
ni John Fontanilla

NAPAKA-BIBO ng batang actor at isa sa host ng award winning children show ng IBC 13, ang Talents Academy, si Jace Salada.

Very thankful si Jace kay direk Jun Miguel dahil isinama siya sa Talents Academy bilang isa sa mga host nito at  ngayon naman ay sa advocacy film na, Sa Aking Mga Anak ng DreamGo Production.

“I’m very thankful with direk Jun (Miguel) because he pick me to be part of ‘Talents Academy’ as one of the hos.

“And then he also picked me to be part of the movie ‘Sa Aking Mga Anak,’ were I played the role of Gabriel, young, kind, cheerful and playful. But Gabriel didn’t know  that he has a heart disease.”

Dagdag pa nito, This is my first movie and I’m so happy and excited po.”

At kahit bata pa ito ay napakahusay nitong mag-host kaya naman nabigyan ito ng award sa Thailand (Thailand Leadership Award 2025, Asia’s Best Emerging TV Child Performer and Host), gayundin sa  Singapore (Asia’s Best Brand Leadership Awards 2025, Most Promising TV Child Performer).

Ang mahusay na aktor at host na si Dingdong Dantes ang idolo nito sa kanyang paglaki at umaasang magiging kasing husay siya ni Dingdong sa pag-arte at pagho-host. Paborito nga nitong panoorin ang Family Feud na si Dingdong ang host.

Umaasa si Jace na after na maipalabas ang pelikukang Sa Aking Mga Anak ay marami pang projects ang darating sa kanya. Nagpapasalamat din ito sa kanyang very supportive parents (Jerwin and Fatima Salada) lalong-lalo na sa kanyang pinakamamahal na lolo (JS Jimenez).