Phoebe bestfriend ni Sue sa In Between

MATABIL
ni John Fontanilla

PAGKATAPOS ng matagumpay na pagpapalabas ng seryeng Lumuhod Ka Sa Lupa  na napanood sa TV ay ang pagpo-promote naman ng pelikula ang pinagkakaabalahan ngayon ni Phoebe Walker.

Kasama si Phoebe sa pelikulang In Between nina Sue Ramirez at Diego Loyzaga.

Kuwento ni Phoebe, “After ‘Lumuhod Ka Sa Lupa’ na napanood sa TV 5, may movie po ako called ‘In Between,’ movie po ito nina ni Sue Ramirez and Diego Loyzaga. 

“Isa po itong romance/drama. Ako rito si Heaven na gaganap bilang best friend ni Sue, na tutulong sa kanya kapag naging heart broken siya. 

“Showing na ang In Between sa  May 7 in cinemas, kaya sana suportahan at panoorin ng mga Pinoy na mahilig sa ganitong tema ng pelikula.” 

Ang In Between ay mula sa panulat ni Sabs Quesada, produced and directed by Gino M. Santos.