HATAW! D'yaryo ng Bayan hatawtabloid.com
NADAGDAG si Piolo “Papa Pi” Pascual sa mga artistang nag-eendoso sa kandidatura ni dating senador at independent senatorial candidate Bam Aquino.
Kahapon, Linggo, sumama si Piolo sa motorcade ni Bam sa ilang parte ng Metro Manila, kabilang ang Mandaluyong at Cubao, Quezon City.
Nakasama rin ni Bam ang aktres na sina Iza Calzado at Bea Binene sa Mandaluyong, Quezon City, at Valenzuela.
Bago nagsimula ang motorcade, pinagtibay nina Piolo, Iza, at Bea ang endorsement kay Bam sa pamamagitan ng pag-flash ng No. 5 sign, ang numero ng dating senador sa balota.
Noong umaga, sina Bam at Bea ang nag-ikot sa Muntinlupa, Las Piñas, at Pasay kasama ang mga influencer na sina Kerwin King, Zion Aguirre, Gabe Pineda, Niño San Jose, Andrea Guevarra, Andrei Hermida, at Damien Villaflor.
Inendoso rin ni Piolo si dating Vice President Leni Robredo nang tumakbo itong pangulo noong 2022.
