PUSH NA’YAN
ni Ambet Nabus
KAPANSIN-PANSIN ang tila ‘extra effort’ ng acting ni Dimples Romana sa The Caretakers.
May mga eksena kasing napansin ang ilang mga film reviewer na mukhang sobrang na-challenge si Dimples sa kapwa niya bida sa movie na si Iza Calzado.
“Minimal lang naman, pero halata,” sey ng mga film critic na nakapnood ng horror movie mula sa Regal Entertainment.
Sa naturang movie kasi ay halos ang dalawang senior stars ang inilalako bilang bida though para sa amin ay higit nga silang naging mahusay dahil sa presence ng mga bagets stars na gumanap bilang mga anak nila.
The fact is, may mga eksena sa movie na kaya ka matatakot o kakabahan ay dahil sa galing ng mga batang artista led by Marco Masa, Ashley Sarmiento, Althea Ruedas, Erika Clemente, at Erin Rose Espiritu.
Kay gagaling ng mga bagets sa lahat ng eksena nila dahil ang puso at buod ng kuwento ng movie ay sa kanila naman talaga nakasentro, kasama na ang elementong inire-represent ang kalikasan.
Still showing pa po sa mga sinehan ang The Caretakers under the direction of Shugi Praico at co-producer din si direk Lino Cayetano.
